Utilisateur:Chrisaix/Fourre-tout

cil ki seitent de trovéure
devraient bien mettre leur cure
es buns livres è es escris
e es essamples è es dis
ke li filosofe truvèrent
e escrirent è ramembrèrent
par moralité escriveient
les buns proverbes ke il ooient
ke cil amender se péuissent
e lur entente en bien méissent
si firent li encien père
romulus qui fu emperère
a sun fill escrit è mandu
e par essample li mustru
cum il se puist cuntreguetier
k'hum ne le peust engingnier
izopes escrit à sun mestre
ki bien quenust lai è sun estre
unes fables k'il ot truvées
de griec en laitin translatées
mervoille en urent li plusur
k'il mist sun sens en tel labur
mès jn'i ad fables ne folie
u il n'ad de filosofie
as essamples qui sunt après
u des cuntes sunt li grant fès
a moi qui la rime en doit feire
n'avenist noient à retreire
plusurs paroles que i sunt
meiz ne purquant cil m'en semunt
ki flourz est de chevalerie
d'anseignemenz de curteisie
e quant tex hum n'en ad requise
ne voil lessier en nule guise
que n'i mette traveil è peine
or ke m'en tiegne pur vileine
mult deit fère pur sa prieière
ci cummencerai la primière
des fables k'ysopez escrit
k'à son meistre manda et dist