Utilisateur:Ælfgar

Définition, traduction, prononciation, anagramme et synonyme sur le dictionnaire libre Wiktionnaire.
Aller à : navigation, rechercher

Blason d'Ælfgar.svg

. Æ l f g a r .

Vous voulez en savoir plus ?

Beowulf[modifier]

Un jour, tout ce texte sera bleu.

hwæt! gār‐Dena   in geār‐dagum
þēod‐cyninga   þrym gefrūnon,
þā æðelingas   ellen fremedon.
oft scyld scēfing   sceaðena þrēatum,
monegum mǣgðum   meodo‐setla oftēah.
egsode eorl,   syððan ǣrest wearð
fēa‐sceaft funden:    þæs frōfre gebād,
wēox under wolcnum,   weorð‐myndum ðāh,
þæt him ǣghwylc   þāra ymb‐sittendra
ofer hron‐rāde   hȳran scolde, [10]
gomban gyldan:   þæt wæs gōd cyning!
þǣm eafera wæs   æfter cenned
geong in geardum,   þone god sende
folce frōfre;   fyren‐þearfe ongeat,
þæt hīe ǣr drugon   aldor‐lēase
lange hwīle.   Him þæs līf‐frēa,
wuldres wealdend,   worold‐āre forgeaf;
Bēowulf wæs brēme   (blǣd wīde sprang),
Scyldes eafera   Scede‐landum in.
swā sceal geong guma,   gōde gewyrcean, [20]
fromum feoh‐giftum   on fæder wine,
þæt hine on ylde   eft gewunigen
wil‐gesīðas,   þonne wīg cume,
lēode gelǣsten:   lof‐dǣdum sceal
in mǣgða gehwǣre   man geþēon.
Him þā Scyld gewāt    gescæp‐hwīle
fela‐hrōr fēran   on frēan wǣre;
hyne þā ætbǣron    brimes faroðe.
swǣse gesīðas,   swā selfa bæd,
þenden wordum wēold   wine Scyldinga, [30]
lēof land‐fruma   lange āhte.
þǣr æt hȳðe stōd   hringed‐stefna,
īsig and ūtfūs,   æðelinges fær;
ā‐lēdon þā   lēofne þēoden,
bēaga bryttan   on bearm scipes,
mǣrne be mæste.   þǣr wæs mādma fela,
of feor‐wegum   frætwa gelǣded:
ne hȳrde ic cȳmlīcor   cēol gegyrwan
hilde‐wǣpnum   and heaðo‐wǣdum,
billum and byrnum;   him on bearme læg [40]
mādma mænigo,   þā him mid scoldon
on flōdes ǣht   feor gewītan.
nalas hine lǣssan   lācum tēodan,
þēod‐gestrēonum,   þonne þā dydon,
þē hine æt frumsceafte   forð onsendon
ǣnne ofer ȳðe   umbor wesende:
þā gȳt hīe him āsetton   segen gyldenne
hēah ofer hēafod,   lēton holm beran,
gēafon on gār‐secg:   him wæs geōmor sefa,
murnende mōd.   men ne cunnon [50]
secgan soðe   sele‐rǣdende,
hæleð under heofenum,   hwā þǣm hlæste onfēng.